धन्वन्तरि जयन्ती तथा राष्ट्रिय आरोग्य दिवसको अवसरमा स्वास्थ्य परिक्षण कार्यक्रम
धन्वन्तरि जयन्ती तथा राष्ट्रिय आरोग्य दिवस २०८१ को उपलक्ष्यमा आज जिल्ला आयुर्वेद स्वास्थ केन्द्र तनहुँको आयोजना एवं नेपाल आयुर्वेद औसधि व्यवसायी संघ जिल्ला शाखा तनहुँको सह- आयोजनामा ब्यास नपा वडा नं १, चारकुनेमा रहेको जलेश्वर जेष्ठ नागरिक दिवा आश्रमका जेष्ठ नागरिकहरुको निशुल्क स्वास्थ परिक्षण तथा औषधि बितरण गर्ने कार्यक्रम उक्त आश्रमका अध्यक्ष गणेश जि.सि.को अध्यक्षतामा सम्पन्न सो कार्यक्रममा प्रमुख अतिथी ब्यास १, का वडा अध्यक्ष रमेश चन्द्र हडखलेले विभिन्न उपचार पद्धती मध्ये आयुर्वेदिक उपचार पद्धती निकै राम्रो रहेको बताए । विशेषगरि जेष्ठ नागरिकहरुले आयुर्वेदिक औषधीको सेवन गर्नुपर्नेमा वडा अध्यक्ष रमेश चन्द्र हडखलेको जोड थियो । साथै उक्त अवसरमा जिल्ला आयुर्वेद स्वास्थ केन्द्रका प्रमुख डा. नारायण श्रेष्ठले धन्वन्तरि जयन्ती र राष्ट्रिय आरोग्य दिवसको बारेमा ब्याख्या गर्नुभएको थियो भने आयुर्वेद चिकित्सक डा. किरण चन्द्र पौडेलले जेष्ठ नागरिकहरुको स्वस्थ परिक्षण गर्नुभएको थियो।उक्त कार्यक्रमको सहजीकरण वरिष्ठ कबिराज निरीक्षक शम्भु चापागाईंले गर्नुभएको थियो। उक्त कार्यक्रममा औषधी व्यवसायीको तर्फबाट सचिव माधव गिरी र कोषाध्यक्ष किसोर पन्तका साथै स्वास्थ केन्द्रका वैद्य निरीक्षकद्वय सोमकान्त पौडेल र भोजहरि रानाभाटको पनि सहभागिता रहेको थियो। जेष्ठ नागरिकहरुलाई अश्वगन्धा चुर्ण,आमलकी चुर्ण,अमृता चिया,शिलाजित क्याप्सुल र महानारायण तेल नि:शुल्क वितरण गरिएको थियो। उक्त औषधिहरु जेष्ठ नागरिकको लागि रोग प्रतिरोधात्मक क्षमता बृद्धि गर्न सहयोग पुग्ने रहेका छन् ।
आज नै कार्यालयमा विहान भगवान धन्वन्तरिको प्रतिमा पूजा अर्चना समेत गरिएको थियो ।
Download: धन्वन्तरि जयन्ती तथा राष्ट्रिय आरोग्य दिवसको अवसरमा स्वास्थ्य परिक्षण कार्यक्रम
16